Bjarnarfjarðará á Ströndum

Bjarnarfjarðará er sjóbleikjuá í Bjarnarfirði á Ströndum, um 35 km akstur frá Hólmavík.  Veiðisvæðið er um 7 km með 25 merktum veiðistöðum.  Vatnasvæði árinnar er mjög fallegt og býður upp á fjölbreytt veiðisvæði.  Bjarnafjarðará er ein eftirsóttasta sjóbleikjuá landsins og þar veiðast stundum laxar.  Veitt er á fjórar stangir í neðri hluta árinnar sem hér er fjallað um.   Veiðitímabil er frá 20. júní til 20. september og veitt daglega kl: 07:00 – 13:00 og 16:00 – 22:00 (1. jún. – 20. ág.) 07:00 – 13:00 og 15:00 – 21:00 (21. ág. – 31. ág.)  Leyfilegt er að veiða á flugu, maðk og spún.  Gott aðgengi er að flestum veiðistöðum.  Ekki er veiðihús við ána en Hótel Laugarhóll býður upp á góða gistingu við árbakkann. Þar er sundlaug, heitur pottur og veitingasala.  Tjaldsvæði er einnig við Laugarhól.
Auglýsingar

%d bloggurum líkar þetta: