Bjarnarfjarðará á Ströndum
Bjarnarfjarðará er sjóbleikjuá í Bjarnarfirði á Ströndum um 35 km akstur frá Hólmavík. Veiðisvæðið er um 7 km með 25 merktum veiðistöðum. Vatnasvæði árinnar er mjög fallegt og býður upp á fjölbreytt veiðisvæði. Bjarnarfjarðará er eftirsótt sjóbleikjuá og þar veiðast stundum laxar. Veitt er á fjórar stangir í neðri hluta árinnar sem hér er fjallað um. Veiðitímabil er frá 20. júní til 20. september og veitt daglega kl: 07:00 – 13:00 og 16:00 – 22:00 (20. jún. – 20. ág.) 07:00 – 13:00 og 15:00 – 21:00 (21. ág. – 20. sept.) Leyfilegt er að veiða á flugu, maðk og spún. Gott aðgengi er að flestum veiðistöðum. Ekki er veiðihús við ána en Hótel Laugarhóll býður upp á góða gistingu við árbakkann. Þar er sundlaug, heitur pottur og veitingasala og einnig gott tjaldsvæði.
Sjá kort og loftmynd á google maps hér
Bjarnarfjarðará á Ströndum 
6.6.2023 kl. 17:39 |
Veiðileyfi 2023 eru seld á Veiðitorgi – sjá https://bleikja.net/about/veidileyfi/
10.4.2022 kl. 18:57 |
Skipting veiðidaga sumarið 2022: https://bleikja.net/about/veidileyfi/
6.2.2020 kl. 11:43 |
Skipting veiðidaga sumarið 2020 er komin á vefinn: https://bleikja.net/about/veidileyfi/
3.2.2019 kl. 17:10 |
Skipting veiðidaga sumarið 2019 er komin inn: https://bleikja.net/about/veidileyfi/
9.3.2018 kl. 15:24 |
Skipting veiðidaga 2018:
Click to access skipting-veic3b0idaga-2018.pdf
21.3.2017 kl. 22:42 |
Skipting veiðidaga sumarið 2017 er komin á vefinn. Sjá https://bleikja.net/about/veidileyfi/
20.7.2016 kl. 13:55 |
Laus veiðileyfi Kaldrananess II eru nú til sölu á vefnum http://veida.is/index.php/veidileyfi
5.6.2016 kl. 21:59 |
Skipting veiðidaga fyrir sumarið 2016 er á vefnum. Sjá https://bleikja.net/veidileyfi
23.3.2014 kl. 12:48 |
Hér er meira um bleikjuveiðar í Eyjafjarðará úr Flugufréttum. Er þetta eitthvað sem ætti að hugsa um í okkar fallegu en fisklitlu Bjarnarfjarðará?
Óábyrgt að drepa bleikju
Tilkynnt var í síðustu viku að skylt verði að sleppa öllum veiddum bleikjum á öllum svæðum í Eyjafjarðará næsta sumar. Stofn sjóbleikju hefur hreinlega hrunið í ánni síðustu árin og síðasta sumar veiddust þar rétt um 250 bleikjur og slatti af þeim var drepinn. Því þótti í raun óábyrgt að leyfa dráp á bleikju í ánni næsta sumar. Þegar best lét veiddust hátt í fjögur þúsund bleikjur í Eyjafjarðará sumarið 1997.
Einnig hefur verið kunngert að vorveiðin hefjist 25. apríl á neðstu svæðunum og að þá beri að sleppa aftur öllum veiddum fiski. Og böndum verður komið á aukna sjóbirtingsveiði með því að kvótasetja birtinginn en heimildir okkar herma að það sé fyrst og fremst gert til þess að jafna veiðina, koma í veg fyrir að einstaka menn moki upp fiski en aðrir sem komi í kjöfarið fái þá ekkert.
Stóru tíðindin í þessu öllu saman eru e.t.v. þau helst að nú er Eyjafjarðará orðin þriðja áin á Íslandi þar sem sleppa ber aftur allri veiddri bleikju. Hinar tvær eru Brunná og Litlaá.
11.2.2014 kl. 17:15 |
Hér er athyglisverð grein á Flugufréttum. Að vísu vantar myndir sem fylgja:
Veitt & sleppt virkar mun betur á sjóbleikju en lax
Það er mun árangursríkara að sleppa aftur veiddri sjóbleikju en veiddum laxi. Sjóbleikjustofnar Íslands þurfa á því að halda að veiðimenn sleppi aftur veiddum fiski. Þetta er meðal þess sem lesa má úr meistaraverkefni í auðlindafræði sem Erlendur Steinar Friðriksson varði í síðustu viku við Háskólann á Akureyri.
Flugufréttir hittu Erlend Steinar að máli nú í vikunni og eins og fræðimanna er háttur þá sagðist hann ekki vilja slá neinu fram án 100% rökstuðnings, þetta væru vísindalegar rannsóknir, hér væru þó fram komnar ýmsar staðreyndir og vísbendingar sem þörf væri á að rannsaka enn frekar.
Hvergi í heiminum
„Forsaga málsins er sú að sjóbleikjustofninn í Eyjafjarðará hrundi gjörsamlega á árunum 2001-2008, fór úr um 3.000 bleikjum í um 700. Þá var ákveðið að innleiða veiða og sleppa aðferðina og þegar ég fór að skoða þetta þótti mér furðu sæta að hvergi á landinu og hvergi í öllum heiminum fyndi ég neinar rannsóknir um það hvaða áhrif það hefði á bleikju eða sjóbleikju að veiða og sleppa. Ég gerði það því að verkefni mínu að fylgjast með þessari tilraun, merkja fiska, sleppa aftur og fylgjast með endurheimtum.“
Helstu niðurstöður Erlends Steinars eru að leiða megi að því líkum að mjög mikill meirihluti þeirra sjóbleikja sem eru veiddar og sleppt aftur, lifi af og gegni síðan hlutverki sínu við hrygningu og viðhald stofnsins.
Ágætar endurheimtur
„Það virðist vera að um 50% af sjóbleikjustofninum drepist á milli ára af náttúrulegum ástæðum. Það eru náttúruleg afföll sem geta stafað af veðurfari, hamfaraflóðum, rándýrum, aldri, sýkingum og svo framvegis. Endurheimtur á sjóbleikjum sem ég merkti voru hins vegar um 10% sem má tvöfalda upp í um 20% þegar litið er til þess að um helmingur stofnsins drepst. Það er nokkuð nærri því veiðihlufalli sem koma fram rannóknum í Vesturdalsá á sínum tíma. Við skulum hafa í huga að bleikjan getur endurtekið hrygninguna ár eftir ár og því er hver fiskur afar dýrmætur. Þær virðast nær undantekningarlaust lifa það af að horfast í augu við veiðimanninn og vera losaðar af krók.“
Þolir vel þessa meðferð
Og vísindamaðurinn gerði fleira en að rýna í tölurnar til að sannreyna þetta.
„Já, almennt hefur komið fram í rannsóknum að afföll af veiddum og slepptum laxfiskum eru mest fyrstu tvo sólarhringana, þannig að ég gerði tilraun með það líka. Ég veiddi tvisvar sinnum tíu sjóbleikjur og setti í kistur í ánni. Eftir tvo sólarhringa var engin bleikja dauð og allar sprækar eins og ekkert hefði ískorist. Bleikjan er harðger fiskur og virðist þola vel þessa meðferð.
Veitt á einu af neðstu svæðum Eyjafjarðarár.
Það kom því í ljós að engin merki væru um skammtímaaföll í kistunum og ég gat ekki heldur séð mun á afföllum eftir því hvenær sumars bleikjan var veidd og sleppt aftur eða milli þess hvaða veiðimenn veiddu hana eða á hvaða gerðir flugna: túpur, púpur eða straumflugur.“
Það kom því í ljós að engin merki væru um skammtímaaföll í kistunum og ég gat ekki heldur séð mun á afföllum eftir því hvenær sumars bleikjan var veidd og sleppt aftur eða milil þess hvaða veiðimenn veiddu hana eða á hvaða gerðir flugna: túpur, púpur eða straumflugur. Hins vegar virtust endurheimtur aukast eftir því sem bleikjan var stærri – það gæti þýtt að minni afföll væru á stærri bleikju eða skráning á stærri bleikju sé betri.“
Stjórnlausar veiðar?
Ertu að segja með þessu að miðað við hratt hnignandi ástand sjóbleikjustofna á Íslandi sé full ástæða til að skoða það að sleppa aftur veiddri sjóbleikju og jafnvel gera það að reglu fremur en undantekningu?
Hér sést glögglega hvernig sjóbleikjuveiðin hefur hrunið á Íslandi og í Noregi frá 1995-2012. (Mynd: Guðni Guðbergsson).
„Já, tvímælalaust. Það hefur svo gott sem ekkert verið hugað að veiðistjórnun á sjóbleikju. Þetta eru mest megnis stjórnlausar veiðar án kvóta. Rannsóknir mínar leiða í ljós að mikill meirihuti af þeirri bleikju sem er sleppt aftur lifir það af og getur þá komið í árnar aftur og aftur til að hrygna. Þannig fáum við í árnar þessar 50-70 sm kusur sem allir sækjast eftir að fá á fluguna en það eru jafnframt bestu „varphænurnar“ og að öllum líkindum þeir fiskar sem best geta forðast náttúruleg afföll, fyrir utan þau sem verða vegna aldurs. Ef um 50% stofnsins drepst á milli ára og 10-25% taka agn veiðimanna, þá er augljóst að það munar mjög mikið um það sem veiðimenn drepa af sjóbleikju – bara sá hluti getur tvöfaldað fjölda þeirrar bleikju sem nær að vaxa úr 40 sm í 60 sm og hver vill ekki sjá fleiri stórar bleikjur?
Sjóbleikjukusa.
Talið er að 70-90% af laxi í ám drepist yfir veturinn eða komist ekki aftur til sjávar, þannig að áhrif veiða og sleppa hljóta að vera hverfandi í laxveiði en það munar heljarmikið um þau í bleikjuveiði.“
Segir Erlendur Steinar sem furðaði sig á því að enginn skyldi hafa rannsakað áhrif veiða og sleppa á bleikjuveiðar og lætur sig nú dreyma um að halda rannsóknum á þessu sviði áfram.
-rhr
5.11.2013 kl. 16:14 |
Fundargerð aðalfundar 2013 er komin á vefinn: https://bleikja.files.wordpress.com/2013/09/fundargerc3b0-ac3b0alfundar-veic3b0ifc3a9lags-bjarnarfjarc3b0arc3a1r-2013.pdf
1.10.2013 kl. 23:52 |
Reikningnúmer vantar vegna greiðslu arðs vegna Sunndals, Goðdals, Odda og Ásmundarness. Vinsamlegast sendið ásamt kennitölu til holavson@gmail.com.
1.10.2013 kl. 23:50 |
Aðalfundur í veiðifélaginu var haldinn 22.9.2013 á Laugarhóli. Fundargerð verður send eða birt bráðlega.
18.9.2013 kl. 21:05 |
Aðalfundurinn verður haldinn sunnudaginn 22. sept 2013 kl. 15:00 að Laugarhóli í Bjarnarfirði.
18.9.2013 kl. 14:57 |
Erindi hefur borist stjórninni og verður tekið fyrir á aðalfundi.
Til stjórnar veiðifélags Bjarnarfjarðarár.
Ég (Finnur Ólafsson) óska eftir heimild til að veiða bleikju í gildru til að prufa í áframeldi, með það að
leiðarljósi að hægt væri að hefja fiskirækt í ánni í framhaldinu ef það er vilji veiðifélagsins.
Einnig óska ég eftir því að boðað verði til aðalfundar með haustinu.
Kv Finnur Ólafsson
Svanshóli
17.9.2013 kl. 18:42 |
Fáar tillögur hafa borist fyrir aðalfundinn á sunnudaginn en eftirfarandi tillögur hafa þó borist frá Framnesingum:
Sæll Hörður,
Við á Framnesi sendum hér með tillögur til breytinga á reglum veiðifélagsins, sem og öðru,
1. Við leggjum til að veiðitími verði 12 tímar á sólarhring. Veiðimaður ákveður tímann, en aldrei meir enn 12 tímar á sólarhring.
Ástæða þessarar tillögu er veiði á ósasvæði árinar þ.e á flóði og fjöru, fylgir ekki tímaskiptingum veiðifélagsins. Þetta fyrirkomulag hefur mætt mikkilli ánægju veiðimanna þar sem þetta hefur verið tekið upp.
2. Leggjum til að lagfæringar verði gerðar á Skaufás, þe. að áin fljóti sinn gamla farveg.
3. Fá svar við hvernig er málum háttað með klórnotkun eða öðrum hreinsiefnum í sundlaug, og hvort þau renni þá óhindrað útí á
4. Sameining veiðisvæða Bjarnafjarðarár og Goðdalsár
Með kærri þökk fyrir, landeigendur á Framnesi
28.8.2013 kl. 13:32 |
Aðalfundur Veiðifélags Bjarnarfjarðarár verður haldinn sunnudaginn 22. september í Bjarnarfirði.
Fundarefni: venjuleg aðalfundarstörf.
16.4.2012 kl. 17:31 |
Aðafundur Veiðifélags Bjarnarfjarðarár verður væntanlega haldinn um mitt sumar 2012. Tillögur um breytingar á samþykktum, breytingar á fyrirkomulagi veiði og önnur stærri mál þurfa að berast formanni tímanlega, til að hægt sé að kynna þær tímanlega fyrir fundinn.
2.4.2012 kl. 12:44 |
Hótel Laugarhóll mun ekki selja veiðileyfi 2012.
22.7.2010 kl. 12:48 |
Borið hefur a þvi að menn veiða utan leyfilegs veiðitima i Bjarnarfjarðara og haldi þvi fram að þeir seu i fullum retti til þess svo fremi að þeir veiði aðeins 12 tima a solarhring. Það skal itrekað her að veiðitiminn er akveðinn i samþykktum veiðifelagsins og er bundinn við 07:00 – 13:00 og 16:00 – 22:00 (1. jún. – 20. ág.) 07:00 – 13:00 og 15:00 – 21:00 (21. ág. – 31. ág.) Verði menn varir við veiði a öðrum timum telst það veiðiþjofnaður og ber að tilkynna syslumanninum a Holmavik (http://www.syslumenn.is/syslumadurinn/Holmavik/) lati menn ekki af þvi athæfi. Viðurlög er a.m.k. upptaka afla og veiðarfæra.
17.7.2009 kl. 22:00 |
Flóðatafla fyrir Hólmavík:
http://tbone.biol.sc.edu/tide/tideshow.cgi?site=H%F3lmav%EDk%2C+Iceland